Момче од Туркије со гитара од лего коцки го привлече вниманието на гитаристот на „Ганс енд Роузес“

ИСТАНБУЛ (АА) - Светски познатиот американски рок-гитарист Саул Хадсон, познат и како Слеш, сподели видео од момче од Туркије кое свири на гитара направена од лего коцки, јавува Анадолу.

Слеш, главен гитарист на хард рок-бендот „Ганс енд Роузес“, сподели видео од Џан Сајар како свири гитара со своите следбеници на Инстаграм.

„Оваа лего гитара е толку кул“, напиша Слеш за изведбата на песната „Чечен Грл“ од Танбури Џемил Бег, османлиски композитор.

Сајар (11) е ученик на Турскиот државен музички конзерваториум при Техничкиот универзитет во Истанбул.

Уникатната микротонална гитара, развиена од младиот гитарист Сајар во соработка со неговиот учител по гитара Атлас Чогулу, син на Толгахан Чогулу, и неговиот пријател Рушен Џан Аџет, привлече големо внимание на социјалните мрежи.