МОСКВА (АА) - Во Москва, главниот град на Русија, беше одржана петкилометарска трка, популарно наречена „Color Run“, јавува Anadolu Agency (AA).

Како што обично се случува при организација на трка во многу градови низ светот, жителите од Москва трката ја завршија покриени со различни бои.

Натпреварувачите, меѓу кои беа и оние кои одлучија да се костимираат и со тоа дополнително да придонесат за забавата, уживаа во музиката и танцот.

Трката во која учествуваа лица од двата пола и од различни генерации, беше можност не само за промоција на спортот и здравиот начин на живот, туку и за фотографирање и обележување на спомените.