ИСТАНБУЛ (АА) – Цената на суровата нафта „Брент“ денес надмина 116 долари по барел, поттикната од ескалацијата на тензиите на Блискиот Исток и загриженоста за снабдувањето на глобалните енергетски пазари, јавува Анадолу.

Според податоците од пазарот, околу 9:00 часот по Гринич, фјучерсите на „Брент“ пораснаа за околу 8,5 отсто, откако Иран изврши напади врз енергетските постројки во Катар вчера.

Од почетокот на конфликтот со Иран на 28 февруари, цената на нафтата „Брент“ е зголемена за повеќе од 50 отсто, во услови на стравувања поврзани со затворањето на Ормускиот Теснец, една од најважните рути за глобалната трговија со енергенси.

Тензиите дополнително се интензивираа откако Израел изврши напади врз рафинеријата за нафта „Асалује“, лоцирана на брегот на Персискиот Залив во јужен Иран, како и врз постројки поврзани со гасното поле „Јужен Парс“, што предизвика дополнителна загриженост за снабдувањето.

По нападите врз неговите енергетски капацитети, Иран соопшти дека ќе ги нишани нафтените објекти поврзани со САД во Саудиска Арабија, Обединетите Арапски Емирати и Катар, упатувајќи и предупредување за евакуација на персоналот и цивилите во близина на овие објекти.