Руски и кинески компании ќе градат во Русија постројка за трансфер на нафта

МОСКВА (АА) - Руски и кинески компании ќе градат постројка за пренос на нафта во источна Русија, јавува Анадолу.

Во соопштението на руската компанија „Росконгрес“ се наведува дека во рамките на Источниот економски форум што се одржува во Русија, е потпишан договор помеѓу „United Oil and Gas Chemical Co.“ (ONGK) и кинеската компанија „Xuan Yuan Industrial Development“.

Како што е наведено, компаниите ќе изградат постројка за трансфер на нафта на истокот на Русија како дел од договорот.

Планирано е двете компании да инвестираат вкупно пет милијарди јуани (околу 642 милиони евра) во проектот.

Комплексот ќе биде изграден во Еврејската Автономна Област во Русија во близина на кинеската граница.

Во соопштението се наведува дека објектот ќе даде значаен придонес за испорака на нафта во Кина.

Москва ја проширува инфраструктурата за да го диверзифицира извозот на нафта и други стоки на исток.