Низ турските теснеци во првите шест месеци од годинава поминаа 40.988 бродови, изјави за Анадолу турскиот министер за транспорт Абдулкадир Уралоглу.

„Во периодот јануари - јуни, околу 19.381 брод поминаа низ Босфорот додека околу 21.607 бродови транзитираа низ Дарданелите“, додаде тој.

Турските теснеци – Босфорот и Дарданелите - се два клучни водни патишта во Турција, познати низ целиот свет како срце на поморскиот сообраќај, бидејќи ги поврзуваат Азија и Европа, формирајќи витална глобална трговска рута.

Урароглу истакна дека околу 14.027 бродови за општ карго и 7.278 товарни бродови ги користеле теснеците, додека бројот на контејнерски бродови достигна 5.294, носејќи вкупно 754,6 милиони бруто-тони карго.

„Бројот на бродови што пристигнале во турските пристаништа достигнал 29.444, со 9.880 турски и 19.564 бродови со странско знаме кои носеле вкупен бруто-карго од 463,8 милиони тони“, изјави министерот.

Северозападната турска област Коџаели имала најмногу бродови што пристигнале во пристаништата во првите шест месеци од годината, вкупно 4.564, од кои 1.295 турски и 3.269 со странско знаме.

По бројот на бродови што пристигнале во Коџаели следува југозападното пристаниште Алиага во Егејското Море со 2.240 странски и 835 домашни бродови, пристаништето Искендерун во Источниот Медитеран со 1.788 странски бродови и пристаништето Мерсин во јужна Турција со 1.631 брод со странско знаме.

Во истиот период, пристаништето Амбарли на северозапад од земјата примило 800 бродови со турско знаме, а пристаништето Мармара примило 734 домашни бродови.