Годишната стапка на инфлација во Норвешка највисока во последните 35 години

АНКАРА (АА) - Годишната стапка на инфлација во Норвешка се искачи на 6,8 проценти во јули, најголемата од јули 1988 година, пренесува Агенција Анадолија (АА).

Според соопштеното, во јуни бројката изнесуваше 6,3 проценти.

Главните двигатели на порастот беа храната и безалкохолните пијалаци (10,4 проценти во јули наспроти 5 проценти во јуни) и транспортот (11,3 проценти наспроти 11,7 проценти).

Индексот на потрошувачките цени приспособен за даночните промени и без енергетските производи достигна рекорд од 4,5 проценти, што е зголемување од 3,6 во јуни и многу над проценките на пазарот од 3,8 проценти.

Само на месечна основа, потрошувачките цени се зголемија за 1,3 проценти во јули, споредбено со 0,9 проценти во јуни.