Aysu Biçer
02 Декември 2021•Ажурирај: 03 Декември 2021
АНКАРА
Кумулативните ефекти од поставеноста на нашата монетарна политика ќе ги набљудуваме во првата половина на 2022 година, изјави гувернерот на Централната банка на Турција, јавува Агенција Анадолија (АА).
Претставници на Турската централна банка се сретнаа со локалните инвеститори на виртуелен состанок по неодамнешната интервенција со девизите на банката, која беше спроведена за првпат од 2014 година.
„Апетитот за инвестиции и очекувањата за вработување на турските компании достигнаа високи нивоа во споредба со претходните години“, рече проф. д-р Шахап Кавџиоглу за време на неговата презентација пред локалните инвеститори.
„Салдото на тековната сметка даде суфицит во август и септември, а подобрувањето на годишното салдо на тековната сметка продолжи“, рече тој.
Банката подоцна во текот на денот ќе одржи онлајн средба со странските инвеститори.
- Интервенции со девизи
„Кога растот на цените на суровините и факторите кои потекнуваат од синџирот на снабдување ќе исчезнат, инфлацијата ќе се намали“, рече тој, додавајќи дека стапката на раст на комерцијалните заеми е 8 отсто на годишно ниво, многу под просеците од претходните години.
Откако забележа „нездрави“ формирања на цени во флуктуирачките девизни курсеви, банката во средата соопшти дека интервенирала на пазарот преку продажни трансакции.
Банката, исто така, соопшти дека започнала да спроведува трансакции на пазарот на деривати на Истанбулската берза (VIOP).
Претходната директна девизна интервенција на Турската централна банка беше во јануари 2014 година, со продажба од 3,15 милијарди долари.
