Јајце е втор на листата на 18 најубави места во Европа на британскиот магазин „Тајм аут“

САРАЕВО (АА) - Патеписците на британскиот магазин „Тајм аут“ ги избраа 18-те најубави места во Европа, а на второ место се најде градот Јајце од Босна и Херцеговина, известува Анадолу.

Во текстот се наведува дека Јајце е посебно и магично место кое ги фасцинира посетителите.

„Во Босна и Херцеговина нема недостиг од прекрасни места, но ретко кое може да го надмине шармот на Јајце. Прекрасните 22-метарски водопади Плива го заземаат највисокото место, а спектакуларната слика е врамена со тврдината на врвот на градот. Езерото Плива и неговите прекрасни воденици се наоѓаат веднаш надвор од градот, додека градската колекција на отоманска архитектура, христијанските цркви и манастири, мистериозните катакомби и југословенска историја ја прикажуваат Босна и Херцеговина во нејзиното апсолутно најдобро издание“, пишува угледниот магазин.

На листата се најдоа уште неколку места од регионот, како што се езерото Блед во Словенија, кое беше на петтото место, Мотовун во Хрватска на 11-то место и островот Госпа од Шкрпјела во Црна Гора на 13-то место.

Норвешките фјордови се на врвот на листата, а на листата на најубави места во Европа се најде и плажата Ксерокамбос во Грција, улицата Алберта во Рига, Латвија, Алберобело во Италија, Вестманејар на Исланд, Ројал Алказар во Севиља, Шпанија, Зермат во Швајцарија, Дина на Пилат во Франција, Арочар Алпите во Шкотска, Зимската градина Глиптотекет во Копенхаген, Данска, шведскиот пат на дивината (Вилдмарксваген), езеро Шлахтензи во југозападниот дел од Берлин, Германија, островот Џиљо во Тоскана, Италија и Жардим до Моро во Португалија.