Црна Гора: Автобус излета од патот, најмалку две лица загинаа

ПОДГОРИЦА (АА) - Најмалку две лица загинаа, а неколку се повредени во сообраќајна несреќа што се случи денеска на магистралниот пат Цетиње - Будва, во местото Обзовица, јавува Анадолу.

Несреќата се случила кога автобус на компанијата „Паповиќ“ од Никшиќ, во кој имало 30 патници, излетал од патот, соопштија од Полициската управа.

Полицијата соопшти дека неколку патници се полесно и потешко повредени и дека им е укажана лекарска помош.

Автобусот денес околу пладне од засега непознати причини излетал од патот.

На местото на несреќата се сите расположливи полициски единици, како и итната медицинска помош и Дирекцијата за вонредни состојби.

Истрагата е во тек, а сообраќајот на таа делница од патот е во прекин.