Србија: Уште пет лица починаа од Ковид-19, а вкупно 6.890 лица се позитивни на тестот

БЕЛГРАД

Во Србија починаа уште пет лица од последиците на Ковид-19 во претходните 24 часа, а заразени се уште 260 лица, со што бројот на регистрирани случаи до денес се зголеми на 6.890, јавува Агенција Анадолија (АА).

Во претходните 24 часа се тестирани 3.543 лица, од кои 260 се позитивни на Ковид-19.

Хоспитализирани се 3.660 пациенти, а на респиратор се врзани 101 лице.

Последните 24 часа починаа пет лица од кои три жени. Бројот на починатите од Ковид-19 се зголеми на 130, а смртноста изнесува 1,89 отсто.

Во Србија се излекувани 977 пациенти, а до сега се тестирани 45.355 лица.

Кога станува збор за здравствените работници, 656 од нив во Србија се позитивни, од кои 430 се наоѓаат на болничко лекување. Тоа значи дека здравствените работници претставуваат 9,52 отсто од вкупно заразените лица.

Во установите за социјална заштита и домовите за стари лица во земјата, на Ковид-19 се позитивни 489 корисници и 98 вработени.