Со бајрамската утринска молитва муслиманите од регионот го дочекаа Рамазан бајрам

СКОПЈЕ / ТИРАНА / ПРИШТИНА (АА) - Муслиманите ги исполнија џамиите по повод Рамазан Бајрам во Северна Македонија, Албанија и Косово, учествувајќи во молитвите и честитките по повод празникот, известува Анадолу.

Муслиманите се собраа на плоштадите и џамиите во земјите од регионот за да бидат дел од молитвата на еден од најголемите празници на луѓето со исламска вероисповед.

Традиција на празникот Рамазан Бајрам е да се посети поширокото семејство, роднините и пријателите.

- Северна Македонија

Во Скопје и во многу градови во Северна Македонија, илјадници верници се собраа во џамиите да ја извршат молитвата по завршувањето на светиот месец Рамазан.

Во организација на Исламската верска заедница на Северна Македонија, Мустафа-пашината џамија во Скопје беше местото каде што се одржа централната манифестација за молитвата за Рамазан Бајрам.

За време на церемонијата, се учеа делови од Куранот и молитви, а голем број верници и верски лица присуствуваа на традиционалниот говор (Хутба) предводена од Шакиф Фетахи, поглаварот на ИВЗ.

- Албанија

Муслиманите во Албанија се собраа во џамиите и на плоштадите во земјата, додека централната програма за молитвата се одржа на плоштадот „Скендербеј“ во Тирана, со учество на илјадници верници.

- Косово

Централната манифестација на Исламската заедница на Косово се одржа во Големата џамија „Султан Мехмет Фатих“ во Приштина.

Празничната беседа ја одржа муфтијата на Косово, Наим Трнава, кој зборуваше за важноста на семејството како темел на општеството.