Претседателот на Собранието на Република Северна Македонија, Африм Гаши, во петок или во сабота ќе ги распише локалните избори што се планирани за наесен, пренесува Анадолу.

„Изборите ќе бидат распишани на 8 или 9 август. Очекувам фер и демократски избори, достоинствена кампања, политичка култура, натпревар со идеи и визија и посветеност кон граѓаните“, потврди Гаши за локален медиум.

Гласањето за општинските совети и првиот круг за избор на градоначалници ќе се одржи на 19 октомври, а вториот круг ќе биде на 2 ноември.

Најдоцна 35 дена пред локалните избори партиите ќе треба да ги пријават своите кандидати за градоначалници и советници во општинските изборни комисии.