СКОПЈЕ (АА) - Министерството за внатрешни работи (МВР) на Северна Македонија објави дека целосно е прекинат во двата правци сообраќајот на патниот правец Стенковец-ГП Блаце и затворен е граничниот премин Блаце, известува Анадолу

МВР излезе со соопштение во кое ја информира јавноста дека поради ширењето на пожарот во близина на Блаце, целосно е прекинат во двата правци сообраќајот на патниот правец Стенковец - граничен премин Блаце.

Во соопштението се додава дека е затворен и граничниот премин Блаце.

МВР објави дека е во координација со другите надлежни институции во земјата и презема широки мерки за гасење на пожарот.

„Апелираме до граѓаните да не тргнуваат кон граничниот премин Блаце до гасењето на пожарот и нормализирање на сообраќајот, за што соодветно ќе ја информираме јавноста“, се наведува во соопштението на МВР.