Куртулмуш во Скопје се сретна лидерите на турските партии во Северна Македонија и лидерите на албанската коалиција

СКОПЈЕ (АА) - Претседателот на Големото Народно Собрание на Туркије, Нуман Куртулмуш, во текот на посетата на Северна Македонија, во Скопје се сретна со лидерите на турските политички партии во Северна Македонија и лидерите на албанската коалиција (ВЛЕН), известува Анадолу.

Во Скопје, претседателот на турското собрание Куртулмуш се сретна со претседателот на Движењето за права и демократија (ХДХ) Салих Мурат и членовите на ХДХ, претседателот на Здружението за култура и солидарност Енсар, Сулејман Баки, претседателот на здружението „Ќопру“ Хусрев Емин, претседателот на Турската демократска партија и на Меѓупарламентарната група за пријателство Северна Македонија - Туркије, Бејџан Иљас, и претседателот на Движењето за национално единство на Турците во Македонија, Ердоган Сарач.

Претседателот на Големото национално собрание на Туркије, Куртулмуш се сретна со лидерот на албанската коалиција (ВЛЕН), претседател на партијата Демократско движење, прв потпретседател на Владата и министер за животна средина и просторно планирање, Изет Меџити, претседателот на партијата БЕСА и градоначалник на Тетово, Билал Касами, вицепремиерот за добро владеење Арбен Фетаи од редовите Алијанса за Албанците и генералниот претседател на партијата Алтернатива, Зекерија Ибрахими.

На средбите беа истакнати проблемите на турската заедница, нивното учество во политичкиот живот и зголемувањето на нивната застапеност, како и важноста од зголемување на единството и солидарноста меѓу турските политички партии.

На средбите присуствуваа и заменик-претседателот на групата АК Партија, Бахадир Јенишехирлиоглу, претседателот на Интерпарламентарната група за пријателство Туркије-Северна Македонија, пратеникот Ахмет Килич од Бурса, пратеникот на МХП од Бурса, Февзи Зирхлиоглу и турскиот амбасадор во Скопје Фатих Улусој.