Косово: Во последните 24 часа откриени 28 нови случаи на Ковид-19

ПРИШТИНА

Во Косово како последица на новиот вид коронавирус (Ковид-19) во изминатите 24 часа не се регистрирани починати лица. Вкупниот број смртни случаи во земјата останува иста, односно 2.976, пренесува Агенција Анадолија (АА).

Информацијата преку соопштение ја потврди Националниот институт за јавно здравје на Косово.

Во соопштението се вели дека се дијагностицирани уште 28 нови случаи на Ковид-19, со што вкупниот број на заразени со коронавирусот во земјата од почетокот на епидемијата се искачи на 160.724.

Во последните 24 часа се направени 1.958 тестирањa за Ковид-19, а од почетокот на епидемијата во Косово реализирани се вкупно 1.265.948 тестирањa.

Од коронавирусот во Косово оздравеа вкупно 157.317 лица. Во моментов во земјата има 431 активен случај.

Во Косово досега се аплицирани 1.558.528 дози од вакцините против Ковид-19.