Заеднички меѓувладин состанок Албанија-Италија, Рама пречекан во Рим од Мелони

ТИРАНА (АА) - Во главниот град на Италија, Рим, денес се одржува заеднички владин состанок меѓу Албанија и Италија, јавува Анадолу.

Албанскиот премиер Еди Рама беше пречекан со официјална церемонија од италијанската премиерка Џорџија Мелони, а потоа се очекува да се одржи меѓувладиниот состанок.

Според албанската Влада, состанокот меѓу двете влади е во функција на натамошно продлабочување на соработката меѓу земјите, преку заеднички проекти во области, како што се економијата, енергетиката, одбраната и инфраструктурата.

Се истакнува дека овој состанок „означува важен чекор во стратегиското партнерство меѓу двете земји“.

Во рамките на меѓувладиниот состанок закажано е потпишување и на неколку договори и меморандуми за соработка меѓу двете земји во неколку области.

Денешниот меѓувладин состанок е прва заедничка средба меѓу владите на Албанија и Италија.