Грчкиот премиер Сармас му ја честиташе победата на Ердоган на претседателските избори во Туркије

АТИНА (АА) - Шефот на преодната Влада на Грција, Јоанис Сармас, му ја честиташе победата на турскиот претседател Реџеп Таип Ердоган на претседателските избори во Република Туркије, пренесува Анадолу.

Ердоган како кандидат на владејачката Народна алијанса победи вчера во вториот круг од претседателските избори во Туркије и ќе остане на позицијата шеф на државата во следните пет години.

Премиерот на соседна Грција, Сармас, му честиташе на Ердоган за изборната победа и му посака мир и просперитет на турскиот народ.

Според непотврдените резултати од изборите, Ердоган победи со 52,16 отсто од гласовите пред кандидатот на опозициската Национална алијанса, Кемал Киличдароглу, кој освои 47,84 отсто од гласовите.