Грција продолжува да се бори со шумските пожари на Родос и Крф

АТИНА (АА) - Грција продолжува да се бори со пожарите на островите Родос и Крф, заедно со евакуацијата на луѓето, известува Анадолу.

Трет топлотен бран ја зафати Грција, а температурите се движат и до 40 Целзиусови степени, објави денес дневниот весник „Катимерини“.

Повеќе од 20.000 луѓе, главно туристи, досега се евакуирани од Родос, соопштија официјални лица.

Грчката противпожарна служба соопшти дека денес островот Евија и неколку други региони, вклучително и Централна Атика, се соочуваат со екстремен ризик од пожар, а другите региони се под многу висок или висок ризик.

Министерството за климатски промени и цивилна заштита на Грција постојано споделува информации со цел на цивилите да им дадат упатства и детали за евакуацијата.

Пожарите пустошат во Грција од минатата недела, а неколку земји ѝ дадоа помош во гаснењето на пожарите, во кои изгореа куќи и шумски површини.