Грција: Оштетено земјиште од 3 милиони декари во 10-те најголеми шумски пожари во последните 20 години

АТИНА (АА) - Во Грција како резултат на 10-те најголеми шумски пожари што избувнаа во последните 20 години е оштетено земјиште од околу 3 милиони декари, пренесува Анадолу.

Анализата спроведена врз сателитските податоци од страна на тимот наречен ФЛЕЈМ при Метеоролошката дирекција на Грција, покажа дека во 10-те најголеми пожари во периодот од 2003 до 2022 година е оштетено земјиште од над 2 милиони 800 илјади декари.

Брзината на ширење на 10-те најголеми пожари била исклучително голема.

Според тоа, пожарот што најбрзо се ширел е оној којшто избувнал во 2007 година во Аркадија, каде дневно било оштетено земјиште од 250.000 декари.

Се истакнува дека 6 од 10-те најголеми пожари избувнале на полуостровот Пелопонез.