Вучиќ: „Може да се случи да го вратиме аеродромот на граѓаните на Ниш“

НИШ (АА) - Државата уште не донесе конечна одлука за аеродромот во Ниш и може лесно да се случи да остане во сопственост на Градот, рече српскиот претседател Александар Вучиќ по отворањето на новиот погон на фабриката „Леони“ во Ниш, и притоа истакна дека во тој случај луѓето ќе бидат одговорни за своите одлуки, јавува Anadolu Agency (AA).

Според неговите зборови, на Владата на Србија би ѝ одговарало Ниш да ги преземе обврските околу аеродромот, но запраша од каде Градот Ниш ќе набави пари за претходните долгови и за новите вложувања од 14,6 милиони евра, колку што, како што вели, „треба да се инвестира за брзо да се продолжи изградбата“.

„Вие сметате дека тоа не треба? За нас е полесно, немаме никаков проблем со тоа, само немојте да ги мамите граѓаните и на луѓето да им велите дека Србија е туѓо тело во Ниш. За својата политика, предлози и избор, секогаш луѓето сносат одговорност. Сакате тоа да остане на Градот Ниш, а не на Србија? Па, нема проблем. Но тогаш на жителите на Ниш ќе мора да им објасните зошто заостанувате во економскиот развој“, изјави Вучиќ.

Тој истакна дека државата досега инвестирала 3,6 милиони евра во нишкиот аеродром, а Градот Ниш уште 2,2 милиони евра, како и дека Ниш добил пари од буџетската резерва минатата и предминатата година, затоа што државата го препознала неговото значење и за да може да ги врати сите долгови, кои некои во 2010 и 2011 година ги префрлиле на Ниш.

Градскиот совет на Ниш, Одлуката за отстапување на нишкиот аеродром на Република Србија без надомест, едногласно ја донесе на 30 март, што предизвика бурни реакции на јавноста и повеќе протести на граѓаните на Плоштадот на кралот Милан, пред Градската куќа и нишкиот кеј.

Иницијативата „Не го даваме нишкиот аеродром”, составена од неколку невладини организации, е закажана за денес во 18:00 часот од страна на „Големиот граѓански протест против подарување на аеродромот“, а поддршката за демонстрантите ја најавија сите опозициски политички партии. Конечната одлука за тоа дали аеродромот ќе биде предаден на државата треба да ја донесат советниците на наредната седница на Градското собрание во Ниш.