Вулин и амбасадорот Аксој за соработката Србија-Турција: Со добрите односи да се придонесе за стабилноста на регионот

БЕЛГРАД (АА) - Министерот за внатрешни работи на Србија, Александар Вулин, и новоименуваниот амбасадор на Турција во Белград, Хами Аксој, разговараа денес за продолжување на соработката во областа на борбата против тероризмот, трговијата со наркотици и нерегуларните миграции, пренесува Агенција Анадолија (АА).

„Министерот и амбасадорот констатираа дека благодарение на добрите лични односи на двајцата претседатели, Александар Вучиќ и Реџеп Таип Ердоган, билатералните односи на Србија и Турција се на највисоко ниво и дека двете земји на тоа даваат нов придонес за стабилност на целиот регион“, соопштено е од Министерството за внатрешни работи на Србија.

Амбасадорот на Турција ги пофали успесите на Србија во борбата против коронавирусот и сузбивањето на негативните последици од пандемијата и истака дека земјата покажала одлучност и успех и кога станува збор за вакцинацијата на населението против вирусот.

Аксој на состанокот го повика Вулин да ја посети Турција и министерот за внатрешни работи Сулејман Сојлу.