Во регионот се вршат последните подготовки за Курбан бајрам

СКОПЈЕ/ТИРАНА/ПРИШТИНА (АА)

Во пресрет на празникот Курбан бајрам, муслиманските верници во Северна Македонија, Албанија и Косово ги продолжуваат последните подготовки за овој празник, јавува Анадолу.

Екипата на Анадолу ги посети сточните пазари во главните градови на трите земји, каде што трговците донесоа значително повеќе говеда, а забележан е и поголем проток на купувачи.

- „Овој празник нека биде празник на радоста на нашите срца“

Во главниот град на Северна Македонија, многу муслимански верници го посетија сточниот пазар, што се наоѓа на периферијата на Скопје.

Исламската верска заедница (ИВЗ) на Северна Македонија ја одреди цената од 160 евра за курбан.

Во меѓувреме, на сточниот пазар цената на ситен добиток, главно овци и овни, варира од 150 до 250 евра. Крупниот добиток како крави и бикови се продаваат од 1000 до 1800 евра.

Од друга страна, поглаварот на ИВЗ, Шаќир Фетаи, на муслиманските верници им го честита Курбан бајрам.

Потсетувајќи дека овој празник е првенствено поврзан со извршувањето на хаџот и жртвата што ја направил божјиот пратеник Ибрахим, тој наведе дека „човечкиот живот е вреден само кога е посветен на Бога и на највисоките општествени вредности“.

„Овој празник нека биде празник на радоста на нашите срца, празник на почит еден кон друг, прослава на зближување со другите, прослава на радост и задоволство на луѓето кои имаат потреба, прослава на простување, прослава на мирот. И солидарност, и прослава преку која ќе имаме корист од задоволството на Семоќниот Алах“, вели Фетаи во честитката.

- Цената на курбанот во Албанија годинава е 160 евра

Во Тирана и другите градови во земјата верниците продолжуваат да купуваат животни за колење за своето семејство, но и за помош на семејствата на кои им е потребна.

Сточниот пазар во Тирана е пофреквентен во последните денови, додека се прават последните подготовки за дочекот на празникот.

Исто така, верниците продолжуваат со подготовките за дочекот на Курбан бајрам со купување на различни производи на различните пазари во земјата.

Во меѓувреме, утврдената цена на курбанот во Албанија за годинава е 160 евра.

Централната програма за молитвата на Курбан бајрам во Албанија ќе се одржи на плоштадот „Скендербег“ во Тирана.

- „Колење на курбанот на денот на Бајрам е богослужба што го аргументира духот на послушноста кон Бога“

Подготовките на граѓаните за колење на курбанот во Косово веќе започнаа од пред неколку дена.

Во Приштина откупот и продавањето се одвиваше на различни локации, особено во приградските населби, каде што ситен добиток, односно овци се продаваше по цена од околу 160 евра.

Во меѓувреме, муфтијата на Исламската заедница на Косово, Наим Трнава, во честитката по повод празникот Рамазан бајрам, рече дека колењето на курбанот на Бајрам е чин на ибадет што го покажува духот на послушност кон Бога и во исто време ја зголемува соработката помеѓу луѓето кои посегнуваат по помош и си подаваат рака еден на друг.

„Колењето на жртвата историски нѐ потсетува на акцијата на Ибрахим а.с., со неговиот син Исмаил а.с., кој бил подготвен да го жртвува дури и својот единствен син за доброто на Бога. Затоа жртвувањето има посебно значење само кога се прави заради Создателот, па дури тогаш добива значење и димензија што е божествено, толку и хумано и социјално“, нагласи муфтијата.

Тој рече дека на Косово празникот Курбан бајрам континуирано во најдобра можна форма пренесува надеж, просперитет, солидарност, помош за другите, мудрост, мир и разбирање, овие вредности кои му даваат смисла на општеството и тоа го бара Бог.