Во компанија во Босна и Херцеговина откриено поголемо количество авиобомби

САРАЕВО (АА) - Во рамки на операцијата спроведена по налог на Обвинителството на Босна и Херцеговина во градот Груде, во јужниот дел на земјата, откриено е поголемо количество авиобомби, пренесува Агенција Анадолија (АА).

Според писменото соопштение на Обвинителството, во рамки на операцијата спроведена во соработка со полициските сили, извршена е рација во една компанија во Груде.

Во соопштението се вели дека откриени се поголем број авиобомби чие производство, снабдување и трговија, се забранети за цивилните граѓани.

Се претпоставува дека овие авиобомби датираат од војната во Босна и Херцеговина во периодот 1992/1995 година.

Според соопштението, авиобомбите се опасни бидејќи влегуваат во групата на експлозиви.

Се истакнува дека е започната детална истрага во врска со случајот.