Во Грција епидемија на грип
Во последната недела починале 18 лица што се лекувале на одделите за интензивна нега во болниците.
Gümülcine
АТИНА (АА) – Во Грција, во последните 3 месеци, 56 лица починаа од епидемијата на грип предизвикана од вирусот Х1Н1, јавува Anadolu Agency (AA).
Во изјавата на Грчкиот центар за контрола и превенција на болести (KEELPNO) се истакнува дека во последниве денови е забележан сериозен пораст на бројот на пациенти примени во здравствените центри поради грип. Во последната недела починале 18 лица што се лекувале на одделите за интензивна нега во болниците.
Во изјавата се нагласува дека од епидемијата на грип предизвикана од вирусот Х1Н1 во последните 3 месеци, 56 лица ги загубиле своите животи.
Во изјавата, исто така, се истакнува дека од вирусот Х1Н1 биле заразени 226 лица, и дека 40 лица се лекуваат во одделите за интензивна нега во здравствените центри.
Властите, истакнувајќи дека вирусот Х1Н1 е во процес на ширење, упатија повик до јавноста за вакцинирање.