СОФИЈА (АА) - За време на активностите на војниците за уништување на експлозивен материјал во Казанлак, Бугарија, изби пожар, јавува Агенција Анадолија (АА).

Во соопштението на Министерството за одбрана наведено е дека пожарот избил додека војниците во местото Шејново вчера уништувале мини и противтенковски проектили. Поради чадот на тоа подрачје, сообраќајот бил запрен на неколку улици.

Пожарот брзо се проширил на површина од 1.400 хектари.

Многу пожарникари се на терен и настојуваат пожарот да го стават под контрола.

Гувернерот на тоа подрачје, Иван Чолаков, соопшти дека настојуваат да спречат пожарот да се прошири на фабриките со оружје и воените складишта со муниција.