Белград: Дојави за бомби во 214 училишта

БЕЛГРАД (АА) - До 214 училишта во Белград, Србија, стигнале дојави за поставени бомби, јавува Агенција Анадолија (АА).

Како што се наведува во соопштението од Министерството за образование, дојави за бомба на имејл примиле вкупно 148 основни и 66 средни училишта во Белград.

Според претходно утврдената процедура, објектите се евакуирани, а учениците ќе бидат вратени на настава кога ќе се утврди дека е безбедно.

„Тимовите на Министерството за внатрешни работи се на терен и ги прегледуваат објектите“, се додава во соопштението.