„Неточни се тврдењата дека „мерката 100 отсто" е насочена против косовските Срби"

ПРИШТИНА (АА) - Владата на Косово соопшти дека тврдењата оти мерката од 100 отсто за увезените производи со потекло од Србија и од Босна и Херцеговина е насочена кон српските граѓани на Косово се невистинити, неодржливи и неприфатливи за вистината и за целта на оваа одлука на Владата на Република Косово, пренесува Anadolu Agency (AA).

„Тврдењата и изјавите на различни актери, во и надвор од земјата, дека мерката од 100 отсто за увезените производи со потекло од Србија и од Босна и Херцеговина е насочена кон српските граѓани на Косово се невистинити, неодржливи и неприфатливи за вистината и за целта на оваа одлука на Владата на Република Косово. Оваа суверена одлука на Косово доаѓа како резултат на постојаните пречки што Србија ѝ ги прави на нашата земја“, се вели во соопштението на Кабинетот на премиерот на Косово.

Во соопштението се нагласува дека оваа заштитна мерка ги исклучува донациите за црквите и верските објекти, дипломатските или конзуларните мисии и нивниот персонал, освен локалното население, имаат право да увезуваат стока која е ослободена од царински давачки за службена и исклучива употреба од страна на мисијата или исклучиво за лична употреба на персоналот на мисијата

„Заштитната мерка, исто така го исклучува увезувањето на производи финансирани од добиени грантови дадени од страна на владите, владините агенции, владините или невладините организации кои вршат дејност надвор и од или во Република Косово, податоци за Владата или преку Владата на Република Косово за помагање на хуманитарните програми и проекти, како и тие за реконструкција во Косово, пратките на КФОР и ЕУЛЕКС, специфичните увози на производи за кои Владата на Косово одлучува дека треба да бидат користени за хуманитарни цели и кои не се за продажба во Косово“, се наведува во ова соопштение.

Според соопштеното, од царинскиот данок се исклучени и производите кои се носат како личен багаж на патниците, со вредност до 175 евра.