Во пресрет на СП: На изминатите 20 мундијали постигнати 2.379 гола

ИСТАНБУЛ (АА) - БУЛЕНТ АСЛАН -

На досегашните 20 светски фудбалски првенства се одиграни вкупно 836 натпревари и се постигнати вкупно 2.379 погодоци, а титулата најефикасен фудбалер во историјата на првенствата е во рацете на германскиот репрезентативец Мирослав Клосе, пишува Anadolu Agency (AA).

Клосе кој го носеше дресот на Германија на последните 4 светски фудбалски првенства во 2002, 2006, 2010 и 2014 година, постигна по 5 погодоци на првенствата во 2002 и 2006 година, 4 во 2010, два во 2014 година и со вкупно 16 погодоци, ја носи титулата голгетер на светските фудбалски првенства.

Со 15 погодоци го следи бразилскиот репрезентативец Роналдо, а третопласиран е Германецот Герд Милер со 14. Французинот Жист Фонтен е на четвртата позиција со 13 погодоци.

Најголемата фудбалска легенда на сите времиња, Пеле, во дресот на Бразил на светските првенства постигна 12 погодоци.

Табеларен приказ на најдобри стрелци во историјата на мундијалите:

Фонтен на едно првенство постигна 13 погодоци

За разлика од Клосе кој ја носи титулата најефикасен стрелец во историјата на светските фудбалски првенства воопшто, францускиот ас Жист Фонтен е најдобриот стрелец со постигнати 13 голови на еден мундијал.

Фонтен славниот рекорд го постави на Светското првенство кое во 1958 година се одржа во Шведска.

Унгарскиот голгетер Шандор Кочиш на мундијалот во 1954 година постигна 11 погодоци, а гол помалку во 1970 година постигна Германецот Герд Милер.

Саленко постигна 5 погодоци на еден натпревар

Најдобар стрелец во еден натпревар во историјата на светските првенства е рускиот напаѓач Олег Саленко, кој во 1994 година во САД беше петкратен стрелец против Камерун.

Дури девет фудбалери на еден натпревар од Светското првенство постигнале по четири погодоции тоа: Емилио Бутрагењо (Шпанија), Еузебио (Португалија), Жист Фонтен (Франција), Шандор Кочиш (Унгарија), Адемир (Бразил), Хуан Скиафино (Уругвај), Леонидас (Бразил), Ернст Вилимовски (Полска) и Густав Ветерсторм (Шведска).

Пеле, Зелер, Клосе со постигнати голови на четири светски првенства

Бразилската легенда Пеле и германскиот голгетер Уве Зелер, заедно со Клосе се единствените играчи кои постигнаа голови на четири светски првенства.

Унгарија е репрезентација која може да се пофали со титулата најефикасна нација на еден мундијал. Унгарците во Шведска во 1954 година постигнаа рекордни 27 погодоци.

Иако во групната фаза ја совладаа Јужна Кореја со 9:0 и Западна Германија со 8:3, а во следните две рунди нижеа победи со по 4:2 над Бразил и Уругвај, Унгарците во финалето на тоа првенство беа поразени од Германија со 3:2.

Од друга страна, репрезентацијата на Јужна Кореја на едно светско првенство прими најмногу голови. Тоа се случи на Светското првенство во Шведска во 1954 година, кога на два натпревари од групната фаза примија дури 16 погодоци.

Унгарците им дадоа девет погодоци на Јужнокорејците, а целосното фијаско го заокружи Турција, која ја совлада Јужна Кореја со резултат 7:0.