СТОКХОЛМ (АА) - Триесет и седумгодишен Данец е уапсен во врска со нападот со лак и стрела во норвешкиот град Конгсберг, во кој загинаа пет лица, а две се повредени, пренесува Агенција Анадолија (АА).

Во соопштението од полицијата во Осло се истакнува дека напаѓачот е 37-годишен Данец кој живее во Норвешка и дека има многу различни сценарија на социјалните мрежи во врска со убиството.

Се нагласува дека сомнежот за тероризам продолжува и дека деталите за нападот ќе бидат споделени со јавноста подоцна.

Во изјавата за норвешката државна телевизија НРК (NRK), Фредрик Њуман, адвокатот на напаѓачот, рече дека се сретнал со својот клиент во 5:00 часот наутро и дека ќе ѝ помогне на полицијата со тоа што ќе ги објасни деталите за нападот.

На 13 октомври, во 18:13 часот по локално време, напаѓачот изврши напад со лак и стрела врз луѓето околу маркетот „Coop“ во градот Конгсберг, при што загинаа пет лица, а две други се повредени. Напаѓачот е уапсен од полицијата половина час по инцидентот.