СКОПЈЕ (АА) - Северна Кореја за прв пат пречека група од 15 руски туристи во својата нова крајбрежна туристичка зона Вонсан Калма на источниот брег, отворена кон средината на јули, јавува Анадолу.

На плажата на ресортот има солидна инфраструктура, но луѓе на плажата нема, што го привлече вниманието на дојдените туристи.

Северна Кореја ја отвори крајбрежната туристичка зона Вонсан Калма на својот источен брег во обид да го оживее туризмот и да ја обезбеди многу потребната странска валута во услови на меѓународни санкции, според државните медиуми.

Сместен на источниот брег на земјата, пространиот ресорт се наоѓа крај бела песочна плажа на Источното Кинеско Море. Вклучува повеќе од 400 уникатно дизајнирани објекти, заедно со водни паркови, спортски објекти и низа места за забава и ресторани.

Местото официјално беше отворено претходно овој месец и беше промовирано во земјата како препознатлив проект на севернокорејскиот лидер Ким Џонг Ун. Државните медиуми го претставија лансирањето како „подарок“ за луѓето, истакнувајќи го одморалиштето како пример за она што го нарекоа „политика – луѓето на прво место“ и нов модел во туристичкиот сектор на земјата.

Северна Кореја привремено им забрани на странците да ја посетуваат новоотворената крајбрежна туристичка зона Вонсан Калма, соопшти националниот туристички орган на земјата на 18 јули, само по неколку недели откако одморалиштето ги отвори вратите.