МОСКВА (АА) - Генерал-мајор Фанил Сарваров, началник на Одделот за оперативна обука на Генералштабот на руските вооружени сили, е убиен во Москва од експлозивна направа поставена под неговиот автомобил, известува Анадолу.

Според соопштението на Рускиот истражен комитет, експлозијата се случила во Москва кога експлодирала експлозивна направа поставена под автомобил.

Во експлозијата животот го загуби генерал-мајор Сарваров, началник на Одделот за оперативна обука на Генералштабот на руските вооружени сили.

Се тврди дека атентатот бил организиран од украинското разузнавање.

Поведена е истрага за инцидентот.

Фанил Сарваров, роден 1969 година, имал различни позиции за време на осетиско-ингушкиот конфликт меѓу етничките групи во регионот Пригородни и во Сирија.

Генерал-мајор Сарваров, кој добил неколку државни награди, од 2016 година ја извршувал функцијата началник на Одделот за оперативна обука на Генералштабот.