Палмино масло: Здрава намирница за која секојдневно се уништуваат шуми
Палминото масло е со црвеникава боја, поради високата количина на бета каротен. Изобилува со витамини А и Е, како и со висок процент на незаситени масни киселини
Sumatra
СУМАТРА (АА) - Палминото масло е едно од растителните масти кое благодарејќи на својот состав и хранливост, најде широка примена во козметиката и кулинарството ширум светот. Најголеми произведувачи на палмино масло денес се Индонезија и Малезија, пишува Anadolu Agency (АА).
Палминото масло се добива со цедење на црвено-жолти плодови од палмините посеви. Овој вид на палма е со потекло од африканскиот континент, но денес се одгледува претежно во југоисточна Азија, односно Индонезија и Малезија.
Палминото масло е со црвеникава боја, поради високата количина на бета каротен. Изобилува со витамини А и Е, како и со висок процент на незаситени масни киселини.
Во југоисточна Азија палминото масло секојдневно се користи во исхраната, а на локалното население во Северна Суматра работата на палмините плантажи е еден од изворите на приходи.
Поради сè поголемата комерцијална побарувачка на палмино масло, во Индонезија и Малезија секоја година се уништуваат сè поголеми површини на дождовни шуми.
Поради овие факти, палмините плантажи и користењето на палмино масло наидуваат на остра критика од љубителите и чуварите на природата.
