سلێمانی.. تووشبوویەکی دیکەی کۆرۆنا گیانی لەدەست دا

سلێمانی - AA

کاتژمێر سێی بەرەبەیانی ئەمڕۆ، تووشبوویەکی تری پەتای ڤایرۆسی کۆرۆنای نوێ (COVID-19) لە نەخۆشخانەی شەھید ئاسۆ لە شاری سلێمانی، گیانی لەدەست دا.

بەپێی زانیارییەکان تووشبووەکە پیاوێکی تەمەن ٦٨ ساڵ بووە.

بەپێی دوایین ئامارەکانی وەزارەتی تەندروستیی هەرێمی کوردستان تاوەکو ئێستا هەزار و ٣٢٤ کەس لەهەر چوار پارێزگاکەی هەرێم، تووشی ڤایرۆسی کۆرۆنای نوێ (COVID-19) بوون و لەو ژمارەیە؛ ٤٥٨ کەس چاکبوونەتەوە و ٨٤٠ کەس چارەسەری پزیشکی وەردەگرن و ٢٧ کەسیش بەهۆی ڤایرۆسەکەوە گیانیان لەدەستداوە.