سلێمانی.. كۆنسێرتی گرووپی كچانی زایەڵەی مەریوان

سلێمانی - AA

پاش نیوەڕۆی ئەمڕۆ لە هۆڵی تەوار لە شاری سلێمانی، بە ئامادەبوونی ژمارەیەك لە هونەرمەندان و هەوادارانی هونەر، كۆنسێرتی گۆرانی و میوزیكی گرووپی كچانی زایەڵەی مەریوان كۆنسێرتێكی بەڕێوەچوو.

سەرپەرشتیاری گرووپەكە، كاروان خالید بە ئاژانسی ئانادۆڵوی راگەیاند: "لەسەر بانگهێشتی بەڕێوەبەرایەتی رۆشنبیری و هونەری دەربەندیخان لە شاری مەریوان (سەر بە پارێزگای سنە لە كۆماری ئیسلامی ئێران) هاتوینەتە هەرێمی كوردستان و لەماوەی رۆژانی رابردوو لە شارەكانی دەربەندیخان و رانیە و چەمچەماڵ كۆنسێرتمان سازكردووە، ئەمڕۆش لە شاری سلێمانی هەمان كۆنسێرت پێشكەش دەكەین تاوەكو بە هەموومانەوە هونەرێكی جوان پێشكەش بكەین".

ئەو گووتی: "گرووپەكەمان گۆرانی و میوزیكی كولتووری پێشكەش دەكات، پێشتر لە شارەكانی ئێران چەندین كۆنسێرتمان سازكردووە، بەڵام یەكەمجارە لە هەرێمی كوردستان كۆنسێرت ساز بكەین".

گرووپەكە جگە لە سەرپەشتیار و ژەنیارێكی عود، لە شەش كچ پێكهاتووە كە كاری میوزیك و گۆرانی كولتووری بە جلوبەرگی كۆنی كوردەوارییەوە پێشكەش دەكەن.

كاروان خالد ئاماژەی كرد بەوەی، مەبەستیانە گۆرانییە كولتوورییە كۆنەكان زیندوو بكەنەوە و بە نەوەی نوێی بگەیەنن.