شارباژێر-AA
شارباژێر یەکێکە لە ناوچە سەختەکانی سەر بە پارێزگای سلێمانی، کەوتۆتە باکووری رۆژهەڵاتی شارهكه. لەڕووی ئیدارییەوە لە قەزای چوارتا، ناحیەکانی چوارتا (ناوەند) و گاپیڵۆن، سیوەیل و زەلان و سیتەک پێکهاتووە، بەهەردوو بەشی شارباژێری سەخت و شارباژێرەوە لە ٢١٢ گوند پێکدێن.
لەگەڵ هاتنی وەرزی پاییز و گەڵاڕێزاندا دیمەنێکی دڵرفێنی سروشتی دەداتە ناوچەکەو دڵی گەشتیاران بۆخۆی دەبات.
خەڵکی ئەو ناوچەیە زیاتر سەرقاڵی گاوداری و باخدارین هەربۆیە ژمارەیەکی زۆر درەختی بەردار لەو ناوچەیە بەدی دەكرێت، کە لەگەڵ هاتنی وەرزی پاییزدا سەمای وەرینی گەڵای دارەکان دیمەنێکی تەواوی سیحراوی دەداتە ناوچەکە.
هەریەک لە قەزای ماوەت، گوندەکانی ژاژڵێ، بێورێ، سیرێ، مەروێ، بارێی بچوک باسنێ دەبنە لانکەی ئەو کەسانەی کە بۆ ساتێکیش بێت حەز دەکەن لەگەڵ سروشتێکی سەرنجڕاکێشدا بەتەنیا بمێننەوە.
ناوبەناو خەڵکی گوندەکان بەدی دەکرێن کە سەرقاڵی خۆرێکخستنەوە و ئامادەکارین بۆ هاتنی وەرزی زستان و سەرماوسۆڵە کە پلەکانی گەرما تێیدا بۆ چەندین پلە ژێر سفر دادهبهزێت. بۆ ئەو مەبەستە داربڕین بۆ زۆپای دار، کۆکردنەوەی پوش و چڵی دار بۆ گاوداوری یەکێکن لە سیما جوانەکانی وەرزی خەزان لە شارباژێڕی سەخت.
