هۆشداری روودانی بەسەهۆڵبوون و هەرەسی بەفر لە خۆرهەڵاتی ئانادۆڵو

وان - AA

لە پارێزگاکانی وان، ئاگری، بەدلیس، مووش و هەکاری لە رۆژهەڵاتی ئانادۆڵو، هۆشداری درا لە بارەی هەرەسی بەفر و روودانی بەستن.

بەپێی راگەیاندراوێکی بەڕێوەبەرایەتی کەشناسی ناوچەکە، پێشبینی دەکرێت کەش و هەوای ناوچەکە بە گشتیی کەمێک هەوراوی و ساماڵ بێت.

لە کاتێکدا چاوەڕوان دەکرێت کاتەکانی بەیانیی و شەو روودانی بەستن و بەسەهۆڵبوون و شوێن بە شوێن تەم و مژ رووبدات، پلەکانی گەرما لە ناوچەکەدا ئاسایی بێت.

توندەبا لە ئاراستەی خۆرهەڵات و باکوورەوە بە هێواشی هەڵ دەکات و ماوە ماوە بەهێز دەبێت و، چاوەڕوان دەکرێت لە دەریاچەی وان لە ئاراستەی خۆرهەڵات و باکووری خۆرهەڵاتەوە خێراییەکەی بگاتە (٢٠-٥٠) کیلۆمەتر لە کاتژمێرێکدا.

پێشبینی دەکرێت بەرزترین پلەکانی گەرما لە رۆژدا بەمشێوەیە بێت؛ لە وان چوار پلە، لە بەدلیس و هەکاری دوو پلە، لە مووش چوار پلە ژێر سفری سەدی بێت.

بەگشتیی لە ناوچەکەدا هۆشداریدراوە لە روودانی بەستن و بەسەهۆڵبوون، لەگەڵ توانەوەی بەفری سەر چیاکان لە ناوچە سەختەکان کە مەترسی روودانی هەرەسی بەفر دەکرێت و، بە پێویست زانراوە هاووڵاتیان هۆشیاربن و رێوشوێن بگرنەبەر.

لە لایەکی دیکەوە، لە پارێزگای مووش کە تەمێکی چڕ باڵی بەسەر ناوچەکەدا کێشاوە، ماودای بینین دابەزیووە بۆ ١٠ مەتر.

تیمەکان کە لە رێگاکانی نێوان مووش-بەدلیس و مووش-بینگۆل چاودێری دۆخەکە دەکەن، هۆشداریاندا بە شۆفێراندا کە ئاگاداربن.

ئەو تەمەی دەشتی مووشی داپۆشی بوو، دیمەنێکی سەرنجڕاکێشی دروست کردبوو.