ئیزمیر.. بەلەمێکی دیکەی کۆچبەران نقوم بوو

بەهۆی نقومبوونی بەلەمێک کە بەشێوەیەکی نایاسایی کۆچبەرانی لە کەناراوەکانی ئیزمیر بۆ دوورگەکانی یۆنان دەگواستەوە ١١ کەس خنکان کە دووانیان منداڵ بوون.

بە گوێرەی زانیارییەکان، بەلەمێک کە کۆچبەری نایاسایی لە کەنداوی دۆغانبێی سەربە شارۆچکەیەکی پارێزگای ئیزمیر بۆ دوورگەکانی یونان دەگواستەوە نقوم بوو.

بەهۆی رووداوەکەش ١١ کەس گیانیان لەدەست دا کە دوانیان منداڵ بوون، هاوکات توانرا ١٣ کەس رزگار بکرێت.

راگەیەندرا رووداوەکە بەهۆی شەپۆلێ دەریاوە بووە کە بەلەمەکەی پێچەوانە کردۆتەوە و دواتر نقوم بووە.