تورکیا ١٣٠ عێراقی دیپۆرت دەکاتەوە

١٣٠ هاووڵاتی عێراقی کە بەشێوەیەکی نایاسایی چووبوونە تورکیا دیپۆرت کرانەوە.

١٣٠ کۆچبەری عێراقی کە لە نێوانیاندا ژمارەیەکی زۆر منداڵ و ئافرەت بەدی دەکران و هەوڵیان دەدا لە رێگەی وڵاتی تورکیاوە بەشێوەیەکی نایاسایی بچنە وڵاتانی رۆژئاوای ئەورووپا دەستگیر کران.

دوا تەواوکردنی رێکارە یاساییەکانیان، ئەو ١٣٠ هاووڵاتییە عێراقییە لە ریگەی فڕۆکەخانەی ئاتاتورک لە ئیستانبوڵ بەرەو شاری هەولێر دیپۆرت کرانەوە.

لەم نێوەندەشدا ژمارەیەک قاچاغچی ناڕەزاییان دەربڕی بەرامبەر بە میدیاکاران و وێنەگرتنیان لە نێو تێرمیناڵدا.