ئورفا.. شه‌ڕی نێوان دوو بنه‌ماڵه‌ حەوت قوربانی لێكه‌وته‌وه‌

ئورفا - AA

له‌ئه‌نجامی شه‌ڕی نێوان دوو بنه‌ماڵه‌ له‌ شارۆچكه‌ی بیره‌جكی سەربە پارێزگای ئورفا، سێ كه‌س گیانیان له‌ده‌ستدا و چواری دیكه‌ش برینداربوون.

ئه‌و مشتومڕه‌ی له‌ گوندی مه‌زرای سه‌ربه‌ شارۆچكه‌كه‌ له‌نێوان دوو بنه‌ماڵه‌دا به‌هۆكارێكی نه‌زانراو سه‌ریهه‌ڵدا، له‌ ماوه‌یه‌كی كه‌مدا شه‌ڕی چه‌كداریی لێكه‌وته‌وه‌.

سه‌ره‌نجام له‌ شه‌ڕه‌كه‌دا، سێ كه‌س گیانیان له‌ده‌ستدا و چواری دیكه‌ش برینداربوون و برینداره‌كان ره‌وانه‌ی نه‌خۆشخانه‌ كران.

له‌سه‌ر هه‌واڵدانی هاووڵاتییان، هێزی زۆری جه‌ندرمه‌ گه‌یشته‌ شوێنه‌كه‌.

هێزه‌ ئه‌منییه‌كان له‌ گونده‌كه‌ و نه‌خۆشخانه‌ش رێوشوێنی ئه‌منیی توندیان گرته‌به‌ر.