وەرزش

لا لیگا.. ریال مەدرید و ریال سۆسیداد یەکسان بوون

Şenhan Bolelli  | 21.09.2020 - نوێکردنەوە : 21.09.2020
لا لیگا.. ریال مەدرید و ریال سۆسیداد یەکسان بوون

Madrid

مەدرید- AA

لە میانی یارییەکانی خولی ئیسپانیا بۆ تۆپی پێ (لا لیگا)دا، یانەی ریال مەدرید کە لە ئێستادا لە ریزبەندی یەکەمدایە رووبەڕووی یانەی ریال سۆسیداد بووەوە، یارییەکە بە ئەنجامی سفر-سفر کۆتایی هات.

لە هەفتەی دووەمی وەرزی نوێی لا لیگادا، یانەی ریال مەدرید رووبەڕووی یانەی ریال سۆسیداد بووەوە و وێڕای هەوڵەکانی هەردوو یانە، یارییەکە بەبێ تۆمارکردنی گۆڵ کۆتایی هات.

هەر هەمان رۆژ یاری نێوان یانەکانی کادیز و هوێسکا ئەنجامدرا و یارییەکە بە ئەنجامی ٢-سفر لە بەرژەوەندی کادیز کۆتایی هات، هەروەها یانەی گرانادا بە ئەنجامی ٢-١ سەرکەوت بەسەر یانەی ئالاڤێسی و یانەی ریال بێتیس بە ئەنجامی ٢-٠ بەسەر یانەی ریال ڤالادۆلید-دا سەرکەوت.

لە لایەکی دیکەشەوە یانەکانی بارسێلۆنا، سێڤیلیا و ئەتلەتیکۆ مەدرید بەهۆی ئەوەی هەفتەی رابردوو رووبەڕووبوونەوەکانی جامی ئەورووپا درەنگ کۆتایی هاتن، هەفتەی دووەمی لالیگا-یان بەبێ ئەنجامدانی یاری بەسەربرد و رووبەڕووبوونەوەکانی نێوان یانەی ئەتلەتیکۆ بیلباو- بارسێلۆنا، سێڤیلیا - ئێلچە و لاڤانتە- ئەتلەتیکۆ مەدرید کە بڕیاربوو لە هەفتەی دووەمدا ئەنجامبدرێن، بۆ بەروارێکی دیکە دواخران.


بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın