سەرکۆماری تورکیا ئەردۆغان یاری باسکەی ئەنجامدا

ئەنقەرە - AA

وەزیری وەرزش و لاوانی تورکیا، عوسمان ئاشکن باک، وێنەی یاری باسکەی لەگەڵ سەرکۆماری وڵاتەکەی، رەجەب تەیب ئەردۆغان لە هەژماری خۆی لە تۆڕی کۆمەڵایەتیی بڵاوکردەوە.

باک لە بڵاوکراوەکەیدا رایگەیاند: ''لەگەڵ بەڕێز سەرکۆمارمان بەردەوامین لەسەر یارییەکانی باسکە. وەک لە تابلۆی پشتەوە دیارە، تیپی سەوز سەرکەوتووە''.

تیپی سەوز کە ئەردۆغانی تیادایە بە ئەنجامی ٥٠-٢٢ سەرکەوتنی بەسەر تیپی سپییدا بەدەستهێنا.

لە وێنەکەدا هەر یەک لە سەرۆکی فەرمانگەی پەیوەندییەکانی سەرۆکایەتی کۆمار، فەخرەددین ئاڵتون و سەرۆکی میت، ئیبراهیم کاڵن و پەرلەمانتاری بورسای ئاک پارتی، موستەفا ڤارانک و پەرلەمانتارانی ئیزمیری ئاک پارتی، مەهمەت موحەڕەم کاساپئۆغڵو و ئاڵپای ئاۆزلان هەن.