تۆتنهام بە سێ گۆڵی بێ بەرامبەر لە مانچستەر یونایتدی بردەوە

ئیستانبوڵ - AA

لە میانی یارییەکانی هەفتەی سێیەمی پرێمیەرلیگدا، یانەی تۆتنهام لە دەرەوەی یاریگای خۆی بە ئەنجامی سێ گۆڵی بێ بەرامبەر لە یانەی مانچستەر یونایتدی بردەوە.

هەریەک لە تۆتنهام و مانچستەر یونایتد لە میانی رکابەرییەکانی هەفتەی سێیەمی خولی ئینگلیزییدا بە یەکگەیشتن.

یانەی میوان لە گێمی دووەمی ئەو یارییەی کە گێمی یەکەمی بە بێ گۆڵ کۆتایی هات، سێ گۆڵی تۆمارکرد و بووە براوەی یارییەکە.

لە خولەکی ٥٠دا هاری کەین و لە هەریەک لە خولەکەکانی ٥٢ و ٨٤یشدا لۆکاس مۆرا سێ گۆڵەکەی تۆتنهام-یان تۆمارکرد و یانەکە بە ئەنجامی ٠-٣ لە مانچستەر یونایتدی خاوەن ماڵی بردەوە.

بەو شێوەیەش تۆتنهام هەر سێ یارییەکەی بردووەتەوە و خاوەنی نۆ خاڵە، مانچستەر یونایتدیش کە تووشی دووەم شکستی لەسەریەکی هات لە سێ خاڵدا مایەوە.