ھێرشی داعش بۆسەر سوپای عێراق لە کەرکووک

ھەولێر ــ AA

لە ئاکامی ھێرشێکی تیرۆریستانی داعش بۆسەر خاڵێکی سوپای عێراق لە پارێزگای کەرکووک، ئەفسەرێک و یەک سەرباز کوژران.

سەرچاوەیەکی ئەمنی بە میدیاکانی رایگەیاندووە کە تیرۆریستانی داعش، ھێرشیانکردووەتە سەر خاڵێکی سوپای عێراق لە ناوچەی دۆڵی چیای باشووری پارێزگای کەرکووک.

بەگوتەی سەرچاوەکە لە ئاکامی ھێرشەکەدا، ئەفسەرێک و یەک سەرباز کوژراون.

ئەمەیش دوای ئەوە دێت کە شەوی رابردوو، تیرۆریستانی داعش ھێرشیانکردە سەر ھێزەکانی حەشدی شەعبی لە گوندی بەلەد سەربە ناحیەی تازە لە پارێزگای کەرکووک و لە ئاکامدا، چەکدارێکی حەشدی شەعبی کوژراو و دووی دیکەیش برینداربوون.