سلێمانی-AA
بە بەشداری زیاتر لە ٤٠٠ ناوەندی بڵاوکردنەوەی کتێب کە لە ١٧ وڵاتی جیاوە هاتوون و بە حەوت زمان بەرهەمەکانیان نیشان دەدەن، پێشانگای نێودەوڵەتیی کتێب بەردەوامی هەیە.
پێشانگای نێودەوڵەتیی کتێب لە سلێمانی بەردەوامە و لە شەشەمین رۆژی پێشانگاکەدا، هاووڵاتییان لە شارەکانی هەرێمی کوردستان و ناوەڕاست و باشووری عێراقەوە سەردانی پێشانگاکە دەکەن، پێشانگاکە بڕیارە تا رۆژی هەینیی ٢٧ی ئەم مانگە بەردەوام بێت.
سەرەڕای قەیرانی نەدانی مووچە و رێکارەکانی خۆپارێزی لە بڵاوبوونەوەی پەتای جیهانی ڤایرۆسی کۆرۆنا، بەڵام پێشانگاکە قەرەباڵغیەکی بەرچاو بەخۆیەوە دەبینێت.
