عێراق.. ئۆپەراسیۆن دژبە پاشماوەکانی داعش

بەغدا ــ AA

وەزارەتی بەرگریی عێراق رایگەیاند كە سێ حەشارگەی رێكخراوی تیرۆریستیی داعش لە سنووری پارێزگای دیالە بە فڕۆكە جەنگی كراونەتە ئامانج.

شانەی راگەیاندنی ئەمنی سەربە وەزارەتی بەرگریی عێراق راگەیەندراوێكی بڵاوكردەوە و تیادا ئاماژەی بەوەكردووە، پشتبەستن بە زانیارییەكانی هەواڵگریی، فڕۆكە جەنگییەكانی (F-16) زنجیرەیەك هێرشیان دژبە پاشماوەكانی رێكخراوی داعش لە باكووری رۆژئاوای دەریاچەی حەمرین سنووری پارێزگای دیالە ئەنجامداوە.

بەپێی راگەیەندراوەكە لە ئاكامی هێرشەكاندا، سێ حەشارگەی رێكخراوی داعش لە ناوچەكەدا خاپوور بوون و سەرجەم ئەو تیرۆریستانەش كوژراون كە لەنێو حەشارگەكاندا بوون.

لە لایەكی دیكەوە بەڕێوبەرایەتی هەواڵگریی سەربازیی، دەستگیركردنی تیرۆریستێكی لە باشووری بەغدا راگەیاند.

لە راگەیەندراوێكی بەڕێوەبەرایەتییەكەدا هاتووە "هێزەكانی سەربە بەڕێوەبەرایەتی هەواڵگریی سەربازیی، تیرۆریستێكیان لە ناوچەی سەید عەبدوڵڵا سەربە قەزای مەحمودیە باشووری بەغدا دەستگیركردووە".

بەپێی راگەیەندراوەكە، دەستگیركراوەكە یەكێكە لەو تیرۆریستانەی كە لە میانی ئۆپەراسیۆنی كۆنتڕۆڵكردنەوەی شاری فەللوجە دژبە هێزە ئەمنییەكان شەڕی كردووە، هەروەها بەپێی ماددەی چوار بۆ بەرەنگاربوونەوەی تیرۆر لە لایەن دادگاوە داواكراوە.