بوومەلەرزەیەک سنووری پارێزگای سلێمانی ھەژاند

ھەولێر ــ AA

وەزارەتی گواستنەوەی عێراق رایگەیاند کە بوومەلەرزەیەک بەگوڕی ٣،٦ پلە بەپێوەری رێختەر رۆژھەڵاتی پارێزگای سلێمانی ھەژاندووە.

وەزارەتی گواستنەوەی عێراق لە راگەیەندراوێکدا ئاماژەی بەوەداوە کە روانگەی بوومەلەرزەزانی سەربە دەستەی گشتیی کەشناسی رایگەیاندووە کە ئەمڕۆ یەکشەممە، بوومەلەرزەیەک بەگوڕی ٣،٦ پلە بەپێوەری رێختەر لە‌ باکووری رۆژھەڵاتی قەزای پێنجوێن رۆژھەڵاتی پارێزگای سلێمانی روویداوە.

بەپێی راگەیەندراوەکە، دانیشتوانی قەزای پێنجوێن و دەورووبەری ھەستیان بە بوومەلەرزەکە کردەووە.

لە راگەیەندراوەکەدا ئەوە نەخراوەتەڕوو، لەوەی ئایە بوومەلەرزەکە زیانی گیانی و ماددەی ھەبووە یان نا.