کەناری رۆژئاوا.. کوژرانی دوو ئیسرائیلی

قودس ــ AA

دوو لەو سێ ئیسرائیلییەی کە لە ئاکامی رووداویکی تەقەکردن لە لایەن فەڵەستێنییەکەوە لە ناوچەی "بورکان" ناوەڕاستی کەناری رۆژئاوا برینداربووبوون، گیانیان لەدەستدا.

دەستەی پەخشی ئیسرائیل بڵاویکردەوە، دوو لەو سێ بریندارە بە ھۆی سەختی برینەکانیانەوە گیانیان لەدەستداوە و بریندارەکەی دیکەش چارەسەر وەردەگرێت.

راشیگەیاندووە کە ئەنجامدەری تەقەکردنەکە، تەمەنی ٢٣ ساڵە و دانیشتوی شارۆچکەی تۆلکەرەم باکووری کەناری رۆژئاوایە و دوای تەقەکردنەکە لە شوێنی رووداوەکە، ھەڵاتووە.

دەستەی ناوبراو ئاماژەی بەوەشداوە کە ھێشتا سوپای ئیسرائیل لە ھەڵمەتی گەڕان بە دوای ئەنجامدەری تەقەکردنەکە بەردەوامە.

پێشتر میدیاکانی ئیسرائیل بڵاویانکردبوویەوە لە ئاکامی رووداوێکی تەقەکردن لە نزیک ناوچەی پیشەسازی (بورکان) لە ناوچەی سلفیت ناوەڕاستی کەناری رۆژئاوا، سێ ئیسرائیلی برینداربوون.

لای خۆیەوە کەناڵ دووی ئیسرائیل بڵاویکردبوویەوە کە برینی دوو لە بریندارەکان ھەستیارە و؛ برینی سێیەمیشیان مەترسیدارە.