نەوتی برێنت بە ٤٧ دۆلار مامەڵەی پێوەدەکرێت

ئەنقەرە - AA

نرخی بەرمیلێک نەوتی برێنت، دوای هەوڵەکانی بەرزکردنەوەی، بە ٤٧ دۆلار و ٨ سەنت مامەڵەی پێوەدەکرێت.

دوێنێ لە دەستپێکی کردنەوەی بازاڕدا، نرخی بەرمیلێک نەوتی برێنت، ٤٦ دۆلار و ٧٨ سەنت بوو، بەڵام بە درێژایی رۆژ بۆ ٤٧ دۆلار و ١٨ سەنت بەرزبوویەوە. سەرلەبەیانی ئەمڕۆ نرخی بەرمیلێک لەو نەوتە ٤٦ دۆلار و ٨٠ بوو. هاوکات نرخی بەرمیلێک نەوتی خاوی تەکساس، ٤٤ دۆلار و ٥٦ سەنت بوو.

هەڵکشانی نەوتی کۆگاکراوی ئەمریکا، بەرزبوونەوەی ئاستی بەرهەمهێنانی نەوت لە هەریەک لە نێجیریا و لیبیا و زیادبوونی ئاستی بەرهەمهێنان لە عێراق و ئیمارات سەرەڕای بوونی بڕیاری سنووردارکردنی، بوونەتە هۆی ئەوەی هەوڵەکانی بەرزکردنەوەی نرخی نەوت، سنوورداربن.

هاوکات بەرزبوونەوەی بەرهەمهێنانی نەوتی خاو لە ئەمریکا لەچاو هەفتەی رابردوودا بەتێکڕای ١٢ هەزار بەرمیلی رۆژانە، بووەتە هۆی ئەوەی فشاری سەر نرخەکانی نەوت درێژە بکێشێت.