سلێمانى..نمایشى شانۆیى مارا ساد

سلێمانى - AA

مارا- ساد ناوی بەرهەمەکەیە کە بە هاوکاریی بەشی هونەری شانۆ لە بەڕێوەبەرایەتی گشتی رۆشنبیری و هونەری سلێمانی و بەشی شانۆی پەیمانگەی هونەرەجوانەکان پێشکەش کراو. بەرهەمەکە لە نووسینی پیتەر ڤایس و وەرگێڕانی شێرزاد حەسەن و دەرهێنانی هیوا فایەقە".

ئەکتەر لە شانۆیى مارا ساد تاهیر عەبدولواحید بە ئاژانسى ئانادۆڵوى راگەیاند "ماوەى 11 مانگە گرووپێک لە کۆرى شانۆیى باو بەهاوکارى بەڕێوەبەرایەتى گشتى رۆشنبیرى و هونەر لە سلێمانى لەگەڵ پەیمانگاى هونەرەجوانەکانى سلێمانى بەشى شانۆ سەرقاڵى پرۆڤەى نمایشى شانۆیى مارا ساد بووین تاکو توانیمان لە هۆلى رۆشنبیرى سلێمانى بەسەر کەوتویى ئەو شانۆییە ئەنجام بدەین".

گوتیشى "20 ئەکتەر لەم شانۆییە رۆڵ دەگێرن باس لە سەردەمى شۆڕشى فەڕەنسا دەکات لە ساڵى 1789 و بەتایبەت کوشتنى ژانڤۆڵ مارا لە ساڵى 1793، کارەکتەرە سەرەکییەکانى شۆڕشى فەڕەنسى کارەکتەرى ناو ئەم نمایشەى پیتەر ڤایسن و ئێمەش ماوەى 11 مانگە سەرقاڵین بۆ پرۆڤە کردن لەسەر ئەو شانۆیە تاکو بتوانین بەسەرکەوتویى ئەو شانۆییە ئەنجام بدەین".

ئەو راشیگەیاند "ئەم شانۆییە گفتوگۆیەکى قوڵى نێوان دوو کارەکتەرى سەرەکى جیهانییە کە ئەوانیش ژان ڤۆک مارا و مارکیش دیڤاک نوسەرو و بیرمەندى ناسراوى فەڕەنسى گفتوگۆکەش لەسەر ئازادى و شۆڕش کە ئایا شۆڕش ئەتوانى ژیان بگۆڕێت"؟