نەواز شەریف رەخنە لە بڕیاری دادگا دەگرێت

ئیسلام ئاباد - AA

سەرۆکوەزیرانی پێشوی پاکستان نەواز شەریف کە بە بڕیارێکی دادگا لە پۆستەکەی دورخرایەوە، رەخنەی لە بڕیارەکەی دادگا گرت و رايگەیاند کە ئەو تۆمەتانەی بۆی هەڵبەستراون "بانگەشەی بێ بنەمان".

لە میانی گوتارێکدا لە کۆبوونەوەی پارتەکەی، شەریف گوتی: "لە تەواوی ژیانم هەموو هەوڵەکانم بۆ وڵاتەکەم بووە، من هەرگیز ئارەزووم بۆ دەسەڵات نەکردووە، تاکە ئاواتم چارەسەرکردنی کێشەکانی وڵاتەکەم بووە".

شەریف بەرگری لە خۆی خانەوادەکەی کرد و رەتیکردەوە کە ئەو بانگەشانەی پارتەکانی ئۆپۆزسیۆن دەیکەن لەبارەی گەندەڵی راستبێت.

نەواز شەریف جەختیکردەوە کە خۆی و خانەوادەکەی دەستیان پاکەو گوتی: "نە خۆم نە هیچ تاکێکی خانەوادەکەم ئەو دەسەڵاتەی هەیانبووە بە خراپ بەکاریان نەهێناوە ، بڕیارەکەی دادگا لەسەر بانگەشەی بێ بنەما بوو".

ناوبراو دڵتەنگی خۆی دەربڕی بەهۆی دورکەوتنیەوە لە پۆستەکەی و گوتی: "بۆ وڵاتەکەم وەک سەربازێکی ماندونەناس کارم کردووە".

بەهۆی ئاشکرابوونی چەند بەڵگەیەکی پاناما کە تایبەتە بە ئەنجامدانی گەندەڵی بڕیاردرا سەرۆکوەزیرانی پاکستان نەواز شەریف لە پۆستەکەی دوربخرێتەوە و جیالەمەش لەسەر هەمان کەیس وەزیری ئابووری محەمەد ئیسحاق دار لە پۆستەکەی دور خرایەوە.